ಹಳಿಯಾಳ: ಪಟ್ಟಣದ ಜಂಬ್ಯಾಳ ಗಲ್ಲಿಯ ಮಿಂಡೋಳಕರ ಕುಟುಂಬದ ಆದರ್ಶ ಮಿಂಡೋಳಕರ ನ್ಯಾಷನಲ್ ಏರ್‌ಗನ್ ಚಾಂಪಿಯನ್ ಶಿಪ್‌ಗೆ ಆಯ್ಕೆಯಾಗಿದ್ದಾನೆ.
ತಮಿಳುನಾಡಿನ ತಿರುಚಿರಾಪಳ್ಳಿಯಲ್ಲಿ ಸೆ.19ರಿಂದ 24ರವರೆಗೆ ಪ್ರಿ- ನ್ಯಾಷನಲ್ ಏರ್‌ಗನ್ ಶೂಟಿಂಗ್ ಕಾಂಪಿಟೇಷನ್ ಚಾಂಪಿಯನ್‌ಶಿಪ್ ಸ್ಪರ್ಧೆಯಲ್ಲಿ ಭಗತ್‌ಸಿಂಗ್ ಶೂಟಿಂಗ್ ಅಕಾಡೆಮಿಯ 5 ಶೂಟರ್‌ಗಳು ಭಾಗವಹಿಸಿದ್ದರು. ಈ ಪೈಕಿ ಆದರ್ಶ ದೆಹಲಿಯಲ್ಲಿ ನವೆಂಬರ್‌ನಲ್ಲಿ ನಡೆಯಲಿರುವ ನ್ಯಾಷನಲ್ ಚಾಂಪಿಯನ್‌ಶಿಪ್ ಸ್ಪರ್ಧೆಯಲ್ಲಿ ಭಾಗವಹಿಸುವ ಅರ್ಹತೆ ಪಡೆದಿದ್ದಾನೆ. ಛತ್ರಪತಿ ಶಿವಾಜಿ ಶಿಕ್ಷಣ ಸಂಸ್ಥೆಯ ಇಂಗ್ಲಿಷ್ ಮೀಡಿಯಂ ಸ್ಕೂಲ್‌ನ 8ನೇ ತರಗತಿಯಲ್ಲಿ ವ್ಯಾಸಂಗ ಮಾಡುತ್ತಿರುವ ಆದರ್ಶ, ಪಟ್ಟಣದ ಲೀಲಾಧರ ಮತ್ತು ಜಯಶ್ರೀ ದಂಪತಿ ದ್ವಿತೀಯ ಪುತ್ರ.
